አዲስ አበባ ወጣቶችና እና ስፖርት ቢሮ

July 15, 2024 - ውስጥ ወጣቶች 0

ታላላቅ ፕሮጀክቶችን ጀምሮ ማጠናቀቅን ባህል ያደረገችው አዲስ አበባ ዛሬም ተጨማሪ ብስራት ለነዋሪዎቿ እነሆ ብላለች!!

ከሁሉም በፊት የረዳን ፈጣሪ ይመስገን!

ታላላቅ ፕሮጀክቶችን ጀምሮ ማጠናቀቅን ባህል ያደረገችው አዲስ አበባ ዛሬም ተጨማሪ ብስራት ለነዋሪዎቿ እነሆ ብላለች!!

ከአራት ኪሎ ፣ ቀበና እስከ ኬኒያ ኤምባሲ ያለው መንገድ በኮሪደር ልማት ስራችን አልምተን እና አስውበን ለነዋሪዎቻችን አገልግሎት እንዲውል ክፍት ያደረግን ሲሆን ይህም ሶስተኛው ያጠናቀቅነው ስራችን ነው::

አዲስ አበባን እንደስሟ ውብ አበባ እና ለመኖር ምቹ የሆነች ከተማ በማድረግ ዓለም-አቀፍ የስበት ማዕከልና የቱሪስት መዳረሻ ለማድረግ የገባነውን ቃል በተግባር መንዝረን ምቹ የእግረኛ መንገዶችን ፣ የሞተር አልባ(ብስክሌት) መንገዶች ፣ ምቹ የታክሲ/ባስ ማውረጃና መጫኛ ስፍራዎችን ፣ የመኪና ፓርኪንጎችን ፣ አረንጏዴ ስፍራዎችን ፣ የመንገድ ዳርቻ ማረፊያ መቀመጫዎችን ፣ የህዝብ መናፈሻዎችን ፣ የከተማዋን ስታንዳርድ የሚመጥኑ መብራቶችንና ፉዋፉዋቴዎችን ባጠረ ጊዜ ገንብተን አዲስ አበባ ከተማን 24 ሰዓት የደራችና ከቆሻሻ በእጅጉ እየጸዳች ያለች ከተማ አድርገናል::

የኮሪደር ልማት ስራን የሰራንባቸው አካባቢዎች የተሳለጠ ትራንስፖርትና ምቹ የመኖሪያ አካባቢን ከመፍጠር በተጨማሪ ለበርካቶች የስራ እድል የፈጠሩ እና 24/7 በመስራት አዲስ የስራ ባህል በማስተዋወቅ ለህዝባችን በገባነው ቃል መሰረት አዲስ አበባን አለምአቀፍ ተወዳዳሪ የሆነች ዘመናዊ ከተማ የማድረግ ስራችንን አጠናክረን እንቀጥላለን::

ይህ የኮሪደር ስራ እውን እንዲሆን ፕሮጀክቶቹን በመከታተል የደገፋችሁ፣ በትጋት ያስተባበራችሁ፣ ከሁሉ በላይ በእልህ አስጨራሽ ሁኔታዎች ሁሉ ውስጥ በትዕግስት ከጎናችን በመቆም የደገፋችሁን በተለይም መሬታችሁን ለልማት የለቀቃችሁ ፣ ከመኖሪያ አካባቢያችሁ ያዘዋወርናችሁ የከተማችን ነዋሪዎች በቀና ትብብራችሁ እና ከራስ በላይ ለትውልድ ዘላቂ ልማት በማሰብ እጅ ለእጅ ተያይዘን እንድናሳካው አቅም ስለሆናችሁን እጅግ ላመሰግናችሁ እወዳለሁ:: አዲስ አበባ ታመሰግናችኃለች::

በኮሪደር ልማት ያጌጠች በዲጂታል አገልግሎት የዘመነች ለመኖር ምቹ ከተማ -አዲስ አበባ!

ፈጣሪ ኢትዮጵያን እና ህዝቦቿን ይባርክ

ከንቲባ አዳነች አቤቤ